Ի՞նչ ուտել ցածր հեմոգլոբինի և երկաթի պակասի դեպքում. 168.am

Բուսակերների համար ամենամեծ անհանգստությունը երկաթի քանակն է, որը նրանք ստանում են են սննդի միջոցով: Ըստ Առողջության ազգային ինստիտուտի տվյալների՝ երկաթի օրական չափաքանակը մեծահասակների համար պետք է կազմի 8-27 մգ:

Ամենաքիչ քանակությունը բավարար է մեծահասակ տղամարդկանց համար այն դեպքում, երբ հղի և տարեց կանայք պետք է ավելի շատ օգտագործեն:

Երկար տարիների ընթացքում երկաթի հիմնական աղբյուր էր համարվում միսը: Բայց բուսակերները պետք է գտնեն այլ աղբյուրներ, որպեսզի կարողանան ապահովել երկաթի օրական նորման:

Կան մի քանի համեղ մթերքներ, որոնք շատ հարուստ են երկաթով:

1. Սպանախ

Նրա մուգ կանաչ տերևները շատ հարուստ են երկաթով: Սպանախի ընդամենը 3 բաժակը պարունակում է 18 մգ երկաթ:

2. Բրոկոլի

Բրոկոլին երկաթի և մի քանի այլ նյութերի զարմանալի աղբյուր է: Այն պարունակում է վիտամին K և մագնիում, որոնք ունեն կարևոր նշանակություն: Այն հարուստ է նաև վիտամին C-ով:

3. Ոսպ

Մեկ բաժակ ոսպն ավել շատ երկաաթ է պարունակում, քան 250 գ սթեյքը: Ոսպը հարուստ է կալիումով և թաղանթանյութով:

4. Ջեռոցում պատրաստած կարտոֆիլ

Ջեռոցում պատրաստված 1 հատ կարտոֆիլը 3 անգամ ավելի շատ երկաթ է պարունակում, քան 100 գ հավի միսը:

5. Քունջութի սերմեր

Քունջութի 1 բաժակը պարունակում է 1.3 մգ երկաթ:

6. Սոյայի հատիկներ

1 բաժակ պատրաստի սոյայի հատիկները պարունակում են 8 մգ երկաթ:

7. Կեշյու

Ընկույզի բոլոր տեսակները պարունակում են մեծ քանակությամբ սպիտակուցներ, և դրա համար այն խորհուրդ են տալիս հատկապես բուսակերներին: Այնուամենայնիվ, կեշյուն ունի լրացուցիչ առավելություն. այն հարուստ է երկաթով: Կեշյուի 1/4 բաժակը պարունակում է 2 գ երկաթ:

8. Լոբի

Լոբու մեկ բաժակը պարունակում է 3 մգ երկաթ:

9. Մուգ շոկոլադ

Այն ապահովում է առողջության համար բազմաթիվ առավելություններ, որոնք օգտակար են առողջ ատամների և մաշկի համար: Մուգ շոկոլադը փոքրացնում է անհանգստությունը և լրացնում է օրգանիզմի երկաթը:

Հարցեր, պատասխաններ, մեկնաբանություններ